Një 38-vjeçar është arrestuar si dhe i është sekuestruar një kamion dhe një eskavator me të cilët gërryhej toka në afërsi të lumit Mat.
Në pranga ka rënë Fation Frangaj i cili është administrator i firmës që po kryente punimet.
Gjithashtu ai është gjobitur me 2 000 000 lekë.
Policia e Shtetit ka apeluar për të gjitha subjektet, që kryejnë aktivitet ekonomik që lidhet me mjedisin, ta kryejnë sipas kritereve të përcaktuara në dispozitat ligjore dhe në lejet përkatëse.