Sekretariati për Procedurat e Votimit dhe Etikës në Kuvendin e Shqipërisë pranoi kërkesën e grupit të PD-së për të anuluar seancën e 7 Marsit, e cila miratoi projektligjet pa kuorum. Një fitore të vogël, e cilësoi Saimir Korreshi. Projektligjet do të miratohen në seancën e radhës.
“Është një fitore e vogël në dukje, por thjeshtë arroganca si është bërë. Opozita do të verifikojë edhe votimet e tjera kur opozita ka qenë në aksion.
Ligjet kalojnë për votim në seancën e radhës. Por kjo i mbetet Kuvendit se kur do i fusë, por njëherë për njëherë u arrit ajo që kërkonte opozita. T’i lënë qejfet deputetët e shumicës nëse duan dhe të vijnë të votojnë ligjet që duan” tha ai.
Një nga projektligjet e tjera është shtyrja e ligjit për investimet strategjike deri në dhjetor 2024, që ishte më i debatuari.
