Drejtuesi i Departamentit të Teknologjisë dhe Informacionit, Ervin Muça është lënë nën masën e sigurisë arrest shtëpie dhe është pezulluar nga detyra pasi akuzohet për ndërhyrjen në sistemin TIMS të Policisë së Shtetit.
Gazetari Eni Ferhati tregoi se në 2 gusht të vitit të shkuar, ai ka qenë ndër gazetarët që ka marrë një email nga një grup punonjësish të drejtorisë së teknologjisë në policinë e shtetit.
Kreshnik Spahiu u shpreh se ka tre arsye pse u mor sistemi TIMS. “E para, të përdoren politikisht për shantazh për cdo lloj kundërshtari.
E dyta, për qëllime mafioze që mund t’u shiten organizatave kriminale dhe janë organizata që mund të paguajnë deri në miliona euro.
E treta, për t’ua dhënë shërbimeve të tjera që mund të paguajnë deri në 30-40 milionë euro, kush ka qenë delegacioni i listës në vizitën e Blinken apo Macron.
Grupi i delegacionit mund të jetë 20-30% njerëz që u takojnë kundërzbulimit. Ky person nuk është individ, por kemi të bëjmë me një celulë e mbrojtur politikisht” tha ai te Now.
