Me motorët ende të ‘nxehur’ nga Championsi, Manchester City dhuroi një tjetër spektakël këtë të shtunë në Premier League.
‘Qytetarët’ morën një fitore në shifrat 5-1 në ‘Etihad Stadium’, duke mos vënë asnjëherë në diskutim 3 pikët, në këtë rast rikthehen momentalisht në krye të tabelës.
Pjesa e parë u vendos nga një autogol i Hashika-s, në minutën e dytë. Në pjesën e dytë, kampionët e Anglisë shënuan me Kovacic dhe Haaland.
Emrin në listën e golashënuesve e vendosën edhe Doku dhe Gvardiol.
Goli i vetëm i Luton erdhi nga Barkley.
Ekipi i Guardiolas kryeson me 73 pikë, 2 pikë më shumë se Arsenal e Liverpool.
Ndërsa me një fitore në këto shifra jep dhe një mesazh në distancë për Realin e Madridit.
Dy ekipet do përballen sërish më 17 prill në Champions, ndeshja e parë rezultoi të ishte një spektakël i vulosur në shifrat 3-3.
