Ministri i Mbrojtjes i Izraelit, Yoav Gallant tha se ai ka përfunduar një vlerësim të situatës operacionale me zyrtarë të lartë në institucionin e mbrojtjes të Izraelit.
“Së bashku me Shtetet e Bashkuara dhe partnerë, ne arritëm të mbronim territorin e shtetit të Izraelit. U shkaktuan shumë pak dëme – ky është rezultat i operacioneve mbresëlënëse të IDF” tha ai.
Megjithatë, ai shtoi: “Fushata nuk ka përfunduar ende – ne duhet të qëndrojmë vigjilent dhe të vëmendshëm ndaj udhëzimeve të publikuara nga Komanda e IDF dhe Homefront. Ne duhet të jemi të përgatitur për çdo skenar. Duke thënë këtë, ne kemi penguar valën më të rëndësishme [të sulmit], dhe ne e bëmë këtë me sukses” tha ai.
Izraeli thotë se Hamasi ka refuzuar marrëveshjen e fundit të armëpushimit. Sipas agjencisë së inteligjencës izraelite Mossad, Hamasi ka hedhur poshtë përvijimin e fundit të një plani të paraqitur nga ndërmjetësit.
Agjencia izraelite thotë në një deklaratë se refuzimi “dëshmon se [udhëheqësi i Hamasit në Gaza Yahya] Sinëar nuk dëshiron një marrëveshje humanitare dhe kthimin e pengjeve”.
