Një 52-vjeçar humbi jetën mes flakëve në Shkodër, ndërkohë që bashkëshortja e tij ka mundur të dalë nga banesa pa dëmtime. Një komshi i çiftit ka treguar përpjekjet për t’i ardhur në ndihmë çiftit.
‘’Në orën 2 pa një çerek ka dalë e shoqja jashtë duke kërkuar ndihmë. Sepse vetëm unë e kam komshi. T’u bërtit o Riza o Riza, hajde se u dogj burri.
Djali ka ardhur e ka mbetur shakull në oborr prej trishtimit duke kërkuar ndihmë për të atin. Kam ardhur me djalë e me grua, jam futur deri në katin e parë te shkallët duke thirr emrin e të shoqit o Bahri.
Nuk është përgjigj. Kam marrë me u ngjit në kat të dytë, më ka dal tymi e flaka përballë.
Ka ardh djali pastaj më nje shok të vetin, janë ngjitur deri lart dhe kanë qenë duke ngel atje lart prej tymit. Kam marrë zorrën e ujit dhe jam munduar për me e fik zjarrin.
Kemi lajmëruar zjarrfikësen, ato mund të kenë ardhur pas 40 minutash’’, tha një nga komshinjtë që u përpoq të ndihmonte çiftin.
Merr flakë shtëpia në Shkodër, burri digjet brenda, del gruaja
