Një mëngjes i qetë në Londër ai i sotmi por kaosi shpërtheu kur rreth shtatë kuaj nga Kalorësia mbretërore u trembën nga zhurma e shkaktuar nga punëtorët e ndërtimit aty pranë, ndërsa po bënin stërvitje në Belgravia, një lagje në perëndim të Pallatit Buckingham, raportuan mediat britanike.
Një situatë që solli arratisjen e tyre nëpër rrugët e qytetit, pa një kalorës që ti kontrollonte, dëmet ishin jo të vogla, me disa makina të përplasura madje edhe të plagosur.
Të paktën 4 persona mbetën të lënduar nga galopimi i kuajve të cilët siç shihet në videot e shpërndara në rrjetet sociale, po vraponin me sa ja mbanin këmbët.
Kuajt u kapën të gjithë menjëherë pas kësaj dhe po i nënshtrohen testeve mjekësore, thanë zyrtarët. Njëri prej kuajve e kishte pjesën e përparme të mbuluar me atë që dukej të ishte gjak ose bojë e kuqe. Ushtria ende nuk e ka konfirmuar nëse ishte gjak apo çfarë e shkaktoi plagosjen.
