Shërbimet e Policisë Kufitare i kanë ardhur në ndihmë 2 shtetasve, të cilët sipas policisë rrezikuan të mbyteshin teksa peshkonin, për shkak të dallgëve të larta.
Sapo janë njoftuar se në hapësirën ujore ndërmjet Shëngjinit dhe Tales, për shkak të dallgëve të larta të detit, kishin mbetur të bllokuar 2 shtetas ndërkohë që peshkoni, shërbimet e SPK Shëngjin janë nisur për të ofruar ndihmë.
Si rezultat janë lokalizuar, marrë në mjetin lundrues të Policisë Kufitare dhe transportuar në portin e Shëngjinit, shtetasit Gj. L., 56 vjeç, dhe S. L., 43 vjeç, të cilët janë në gjendje të mirë shëndetësore.
Gjithashtu, është tërhequr në hapësirën e portit, mjeti ujor me të cilin ata peshkonin.
