Një person ka ndërruar jetë mbrëmjen e djeshme në Pejë pasi është goditur qëllimisht nga një veturë.
Ky rast është konfirmuar edhe nga zëdhënësi i Prokurorisë Themelore në Pejë, Shkodran Nikçi.
“Dyshohet se një këmbësor është goditur qëllimshëm nga një veturë. Viktima ka vdekur si pasojë e lëndimeve të shkaktuara nga goditja e veturës. ”, ka thënë Nikçi.
Ai ka thënë se prokurori i krimeve të rënda dhe Policia e Kosovës me njësitet relavante janë në vendin e ngjarjes.
“Është arrestuar i dyshuari që goditi viktimën me veturë dhe me urdhër të Prokurorit të Shtetit është ndaluar 48 ore për veprën penale vrasje e rëndë me qëllime hakmarrje”, ka thënë Nikçi.
Sipas burimeve viktima ia kishte djegur shtëpinë në Elbasan, të dyshuarit që sot në shenjë hakmarrje e ka goditur me veturë në Pejë.
