-sidi education-spot_img
10.5 C
Tirana
-sidi education-spot_img

Partizani merr 150 milionë lekë për titullin

Kryesoret

KF Partizani, kampioni në fuqi i Superligës së futbollit në Shqipëri prej dhjetë muajsh ishte duke pritur shpërblimin e titullit nga Bashkia e Tiranës. Në mbledhjen e fundit të Këshillit Bashkiak, kreu i bashkisë së Tiranës Erion Veliaj ka bërë me dije se pas një ndryshimi në VKM shuma prej 15 milionë lekësh (të rinj) do kalojë në llogarinë e klubit. Veliaj i ka kërkuar ndjesë presidentit të Partizanit, Gaz Demi dhe drejtorit Olsi Rama, duke thënë se “më mirë vonë se kurrë”.

“Dua të njoftoj vendimin që ka të bëjë me dhënien e shpërblimit financiar Klubit të Futbollit Partizani, një iniciativë që e kemi nisur përpara disa vitesh. Kemi thënë që kush sjell Kupën, kush sjell kampionatin në Tiranë do shpërblehet. Dy herë e ka sjellë KF Tirana, duke marrë 150 milionë lekë shpërblim.

Ndërkohë duke qenë se Partizani nuk kishte marrëdhënie aksionare me bashkinë e Tiranës, na është dashur fillimisht të ndryshojmë VKM-në që e lejon bashkinë t’i ofrojë të njëjtën sasi shpërblimi edhe klubeve të tjera. Për të gjithë dashamirësit e Partizanit, mikun tonë Gaz Demin apo edhe Olsin dhe skuadrën. Ju kërkoj ndjesë për këtë vonesë. Por sicc thotë shprehja më mirë vonë se kurrë”, tha Veliaj në mbledhjen e Këshillit Bashkiak të Tiranës.

/5pyetjet.al

spot_img
spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit