Dy efektivë policie janë dërguar në spital mëngjesin e sotëm, pasi makina e shërbimit ka dalë nga rruga duke përfunduar në lumin e Lanës në Tiranë. Ngjarja ndodhur në Shkozë.
“Rreth orës 06:15, te ura e Shkozës, punonjësi i policisë i Sektorit të Forcës së Posaçme “Shqiponja”, A. Sh., duke drejtuar automjetin e shërbimit, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga, duke rënë në lumin Lana.
Drejtuesi i automjetit dhe pasagjeri janë dërguar në spital, për ndihmë mjekësore. Po punohet për sqarimin e rrethanave të aksidentit” njofton policia.
