Përfaqësuesi i BE-së për dialogun Kosovë-Serbi, Miroslav Lajçak ka folur për mediat serbe ku është shprehur se të dyja shtetet duhet t’i përmbahen marrëveshjeve të rëndësishme.
Lajçak shtoi se është shumë e rëndësishme që Kosova të pranojë drafstatutin europian.
“Fokusi tani duhet të jetë në përparimin e zbatimit të plotë të Marrëveshjes pa parakushte e vonesa. Përgjegjësitë e palëve janë të qarta: i takon Kosovës të nis procedurën për themelimin e Asociacionit të komunave me shumicë serbe dhe ta pranojë draftstatutin evropian, dhe është në dorën e Serbisë të përmbushë obligimet e saj të shumta paralelisht, duke filluar nga njohja e simboleve të Kosovës, dokumentet dhe institucionet”, ka thënë Lajçak.
