Ka nisur me debate Komisioni Hetimor për sistemin TIMS. Ka kaluar më shumë se një muaj dhe akoma palët janë tek plani i punës.
“Propozoj të dëgjohen ekspertët deri në fund dhe pasi ata s’kanë gjë për të thënë të hapet një seancë pyetjesh.
Kjo është dita e ekspertëve, jo e jona që të vazhdojmë me gjyqin e radhës. Menjëherë t’i kthehemi normalitetit dhe t’i shmangim komentet pezhorative të tipit që “sot nuk është dita e teorisë”, tha Toni Gogu.
Kryetari i këtij komisioni, Ervin Salianji u shpreh se kryeministri Edi Rama ka tre javë që nuk ka kthyer përgjigje.
“Sot është dita e paraqitjes së planit të hartimit. Java e tretë dhe kryeministri nuk kthen përgjigje. E ktheu SPAK brenda 2 ditësh”, tha Salianji.