Mbrëmjen e sotme në ‘Bernabeu’, Real Madrid dhe Bayern Munich do të përballen në një gjysmëfinale të zjarrtë për rezervuar një vend në finalen e madhe të Londrës.
Sfida e parë përfundoi në një barazim emocionues 2-2, ndërsa e sotmja do të jetë deçizive për fatin e sezonit. Bavarezët janë për ‘gjithçka ose asgjë’ në këtë përballje, jashtë kupës së Gjermanisë dhe me Bundesligën tashmë të harruar, Champions League ngelet shpresa e vetme për ta që sezoni të mos mbyllet me një rekord negativ.
Pak më parë janë publikuar edhe formacionet zyrtare. Si Ancelotti, ashtu edhe homologu Tuchel kanë vendosur për titullarët, nga minuta e parë nuk mungojnë më të mirët.
Los Blancos vuajnë mungesën e Alaba për shkak dëmtimi, ndërsa në krahun tjetër, situata është më problematike te gjermanët, që s’do kenë në dispozicion Coman, Guerreiro dhe Marusic për shkak dëmtimi.
Real Madrid (4-4-2): Lunin; Carvajal, Rudiger, Nacho, Mendy; Valverde, Tchouameni, Kroos, Rodrygo; Bellingham, Vinicius Jr.
Bayern (4-2-3-1): Neuer; Kimmich, De Ligt, Dier, Mazraoui; Laimer, Pavlovic; Sané, Musiala, Gnabry; Kane.
