Kreu i Grupit Parlamentar të PD, Gazment Bardhi i ka kërkuar datë tjetër SPAK-ut për të dhënë deklarime si person në dijeni lidhur me dosjen “Xibraka”, ku kërkoi riçeljen e fraksionit të pushuar duke akuzuar se pas tij fshihet Olsi Rama.
Bardhi është thirrur të mërkurën e 15 majit, por përmes një shkrese ka vënë në dijeni SPAK se ka një axhendë të paracaktuar nga 14-24 maj jashtë vendit dhe kërkon të pyetet të hënën ose të martën (sot ose nesër) apo në një datë dhe orë tjetër pas 23 majit.
Gazment Bardhi, mesditën 15 majit do të rrugëtojë drejt Berlinit për takime me zyrtarë të lartë në Bundestag.