Autoriteti Rrugor Shqiptar njofton se në kuadër të zbatimit të kontratës së mirëmbajtjes, ditën e somte do të fillojë rehabilitimi i shtresave asfaltike të aksit rrugor Tiranë-Durrës.
ARRSH njofton se procesi i punës do të fillojë nga Sukthi në drejtim të Tiranës.
“Do të punohet me njërën korsi, përkohësisht të bllokuar për një gjatësi prej 500 m, sipas skemave të miratuara të menaxhimit të trafikut në bashkëpunim me Policinë Rrugore
Njëra korsi lëvizjeje do të jetë e lirë për drejtuesit e mjeteve dhe tjetra do të jetë përkohësisht e bllokuar në një gjatësi prej 500 m.
Me përfundimin e punës në këtë gjatësi, bllokimi do të spostohet në 500 m të tjerë për vijimin e punës”, njofton ARRSH.
ARRSH udhëzon drejtuesit e mjeteve, të zbatojnë sinjalistikën rrugore të vendosur në objekt.
