Nënkryetari i Partisë Demokratike, Oerd Bylykbashi ka dhënë një deklaratë për mediat pas përfundimit të Grupit të Dialogut.
Bylykbashi u shpreh se u fol dhe për votën e diasporës dhe se u kërkua thjeshtimi i këtij procesi që mos të kenë të drejtën e votës 18 mijë shqiptarë.
Ai u shpreh se mënyra më e realizueshme ishte ajo me postë.
“Është qesharake që sot kanë të drejtë vetëm 18 mijë shqiptarë, nga ndoshta 1 milion e 800 shtetas me të drejtë vote.
Nëse i referohemi Kushtetueses janë 1.2 milion zgjedhësh që e kanë këtë të drejtë.
Neve diskutuam opsione te ndryshe, ajo që deri me sot ka ecur është sistemi i votës me poste, po ligji aktual e lejon edhe votimin elektronik, si Estonia.
Diskutuam edhe mundësinë e votimit me poste, ku kërkesa jonë është që nëse aplikohet kjo të jetë një mekanizëm i besuseshëm, nërpmjet një poste ndërkombëtare, të cilët mund të garantojë që fletët e votimit të vijnë në KQZ pa kaluar nga posta shtetërore.
E rëndësishme është që procesi ty jetë i hapur pëe të gjithë ata që janë jashtë vendit, pa filtër. Më pas e ushtron apo jo të drejtën e votës, të mbetet në dorën e tyre.” u shpreh Bylykbashi.
