Shpesh herë vajzat e showbizit janë bërë pjesë e dosjeve hetimore të cilat tregojnë lidhjet e tyre me njerëz nga bota e krimit.
Trejsi Sejdini, modelja dhe ish-Miss Universe Albania ka qenë ajo e cila është përfshirë në një nga dosjet e SPAK.
Nga megaoperacioni i SPAK rezultoi se Sejdini ka pasur lidhje kreun e klanit Duka.
Duka i ka lënë porosi Drianto Bardhit për t’i dërguar 500 dollarë Trejsit e cila ndodhej në New York. Paratë e dërguara janë nisur nga Drianto Bardhi dhe janë pritur nga miku i modeles, Klevin Halili.
Gjithashtu në dosje është përfshirë edhe një udhëtim i modeles me Dukën nga ku, ka kaluar nga pika e kalimit kufitar Morinë në 10 shkurt të vitit 2019.
“81 I. Me date 10.07.2020 Leonard Duka komunikon me Drianto Bardhi te cilit i referohet me pseudonimin “bace”, i jep porosi qe te shkoj ne Eestern Union dhe t’i nis 500$ Trejsi Sejdini ne Nee York. Ne vazhdimesi Leonardi i shkruan qe parate t’i nise ne emrin e Klevin Halili. Drianto i dergon fotografi te dergeses qe ka kryer, ku dallohet emri i derguesit Drianto Bardhi dhe prites shtetasi Klevin Halili.
Referuar verifikimeve te kryera ne sistemin TIMS për shtetasen Trejsi Sejdini ka rezultuar qe kjo shtetase me date 10.02.2019 ka udhëtuar bashke me shtetasin Leonard Duka me automjetin me targa AA843VU duke kaluar ne piken e kalimit kufitar Morine.
Nga ana e Prokurorisë së Posaçme u kërkua ne burimet e hapura për shtetasen Trejsi Sejdini dhe shfaqen artikuj mediatik ne lidhje me faktin qe kjo shtetase është lidhje e shtetasit Leonard Duka.” thuhet në dosje
