Kushtrim Selimi shef i sektorit të agjencisë se mbikëqyrjes policore Durrës është shpallur më kërkim nga policia e shtetit.
Selimi komunikonte me oficere Regina Osmani dhe gazetarin që u arrestua për shkrimet që do të publikoheshin në një portal për t’i denigruar.
Sipas verifikimeve informacionet i jepte 39-vjeçari Selimi e ndërsa shkrimet bëheshin për drejtuesit e policisë.
Nga verifikimi ka rezultuar se disa shkrime për denigrim imazhi ishin bërë për drejtorin e përgjithshëm Muhamet Rrumbullakun, drejtorin e rendit Rebani Jaupin si dhe pre disa drejtues të tjerë.
Ende policia nuk e ka saktësuar nëse kjo skeme bëhej për gjobëvënës apo kishte qëllime të tjera për emërimin në poste më të larta.
Shpallet në kërkim shefi i AMP-së Durrës: Denigronte drejtuesit e policisë
Njoftimi i policisë
Në kuadër të këtij operacioni u arrestuan shtetasit:
R. O., 34 vjeçe, punonjëse në Agjencinë e Mbikëqyrjes Policore në Drejtorinë Rajonale Durrës;
E. H., 35 vjeç, me profesion gazetar.
Gjithashtu, u shpall në kërkim shtetasi K. S., 39 vjeç, me detyrë shef sektori në Drejtorinë e Përgjithshme të Agjencisë së Mbikëqyrjes Policore.
Gjatë hetimeve të kryera ka rezultuar se këta tre shtetas, në bashkëpunim me njëri-tjetrin, ndryshonin dhe fshinin të dhëna kompjuterike në formate teksti, pa të drejtë, për krijimin e të dhënave të rreme ndaj disa titullarëve të institucioneve të ndryshme, duke denigruar figurën e tyre, me qëllim paraqitjen dhe përdorimin e tyre si autentike, në një faqe interneti.
