Ministrja e Jashtme e Kosovës, Donika Gërvalla paralajmëroi sërish se Rusia mund të destabilizojë Ballkanin.
Gërvalla tha se ambiciet territoriale të presidentit rus Vladimir Putin nuk ndalen në kufirin ukrainas dhe se fitorja e Ukrainës kundër Rusisë do të siguronte stabilitet në Ballkanin e trazuar prej vitesh.
Strategjia e Putinit është të mbajë Perëndimin të hutuar me konflikte të ndryshme. Pra, një luftë tjetër në Ballkan do të ishte shumë e mirëpritur nga Rusia.
“Putini flet çdo javë për Kosovën. Nuk ka të bëjë me rëndësinë gjeopolitike të Kosovës, por ka të bëjë me faktin se Kosova është një histori suksesi e Perëndimit, një histori suksesi e Shteteve të Bashkuara të Amerikës, është një histori suksesi e NATO-s, një histori suksesi e vendeve perëndimore evropiane” tha ajo.
