Policia e Kosovës ka arrestuar një person me inicialet M.K. në Leposaviç nën dyshimin për vjedhje të identitetit. Lajmin e ka konfirmuar mbrëmje zëvendëskomandanti i PK-së për rajonin e Veriut, Veton Elshani.
Policia thotë se ka pasur informacione për kryerjen e mundshme të veprës penale të vjedhjes së identitetit dhe se zyrtarët e njësitit të rregullt të PK-së e kanë ndaluar në territorin e komunës së Leposaviçit dhe më pas e kanë arrestuar.
“Ky person ka dy identitete – një për dokumente serbe, dhe tjetri për dokumente të Kosovës”, tha për KoSS Veton Elshani, zëvendës komandant i PK-së për rajonin e Veriut.
Ishte bashkëpunëtor i ngushtë i Aleksandar Vulin. Në kohën kur Vulin drejtonte Zyrën për Kosovë, M.K ishte përgjegjës për marrëdhëniet me mediat.
