Deputeti socialist Erion Braçe ka reaguar me anë të një video për derdhjen e ujërave të zeza të Lushnjës në Divkjakë.
Braçe shprehet se ky është një krim mjedisor që e konsumon bashkia e Lushnjës me veprimin ose mosveprimin e saj dhe dëmi është kolosal për Divjakën e cila nuk ka reaguar rreth kësaj çështje.
“Kjo që po u tregoj është prova; buzë rrugës nga rotonda e grabianit-tre ura, kalon emisari i tërbufit, i cili vijon deri tek portat e kularit e pastaj në det; në këtë pikë ku ndodhem, emisari ushqehet nga një kanal horizontal (me autostradën), në të cilin bashkia Lushnjë derdh ujërat e zeza të fshatit Dushk, bashkë me mbetjet e fabrikës së vajit dhe një super kompleksi viçash për majmeri! Ndotja është kaaaataaaastroooofiiiiiikeeeeee! Krim mjedisor jo vetëm publik, por është i tmerrshëm!”, tha Braçe.
Gjithashtu deputeti socialist i bën thirrje bashkisë së Lushnjës që të marrë masa.
