Ditën e sotme rreth 28 mijë maturantë do t’i nënshtrohen provimit të parë të Maturës Shtetërore. Ata do të testohen për gjuhën e huaj.
Provimi do të nisë në orën 10:00 dhe do të zgjasë 2 orë e 30 minuta.
Për të monitoruar procesin e Maturës Shtetërore dhe për ta administruar atë janë 2700 punonjës arsimore në 144 qendra provimi.
Provimet do të zhvillohen në qendra me hapësira të mëdha siç janë palestra, korridore, ku 70% e mjediseve do të monitorohen nga kamerat për të siguruar dhe për të pasur një proces administrimi sa më transparent.
Ndërsa provimi i radhës do të jetë më 10 qershor ku maturantët do t’i nënshtrohen provimit të Gjuhës Shqipe dhe Letërsisë dhe më 18 qershor do kenë matematikën.
Provimi i fundit do të jetë ai me zgjedhje më 24 qershor.
