Një grua është shpëtuar pasi kaloi 2 ditë e kapur pas degëve të pemës për t’iu shpëtuar përmbytjeve në Gjermaninë Jugore.
”32-vjeçarja më në fund u zbulua pasditen e së martës nga një dron kërkimi”, theksoi policia.
Gruaja kishte humbur gjurmët që kur ishte zhdukur ditën që nisën përmbytjet, Ajo ishte duke ecur në pyll mbrëmjen e së shtunës kur niveli i ujit filloi të rritet.
Zhdukjen e saj në polici e kishte denoncuar edhe një i njohur i zonjës.
Më pas gruaja nuk mund të kontaktohej më në telefon, pasi i kishte rënë bateria.
Gruaja ka arritur të shpëtojë veten duke u ngjitur në një pemë.
Gjendja e saj paraqitet e mirë por pak e dobësuar për shkak të dehidratimit.
