Policia ka arrestuar dy punonjës të hotelit “Greccia”, të cilët akuzohet se ndihmuan Gerald Shehun për të vrarë recepsionistin, Eraldo Nevruzi, krim i cili dyshohet se ka ndodhur në një nga dhomat e stafit pak mesnatës së të mërkurës (6 Qershor).
Dy personat e arrestuar janë Daniel Qose dhe David Larti. Në kasafortën e autorit të dyshuar, Gerlad Shehu policia gjeti një fishek arme zjarri.
“Nga këqyrja e banesës ku qëndronte Shehu në një kasafortë në dhomën e gjumit, shërbimet e Policisë gjetën 1 fishek arme zjarri, me kapsollë të goditur, i cili u dërgua në Institutin e Policisë Shkencore, për ekzaminim.
Në fuksion të hetimeve të thelluara u fiksuan dhe u morën për ekzaminime të mëtejshme, sende dhe mjete të tjera të cilat dyshohet se janë përdorur në këtë ngjarje” njofton policia.
