Italia do të synojë mbrojtjen e titullit, ndërkohë që Shqipëria kërkon të bëjë surprizën e madhe.
Nesër në “Iduna Park” luhet Shqipëri-Itali, e vlefshme për Grupin B të Europianit 2024. Buffon, legjenda e Italisë që mban rolin e trajnerit të portierëve u shpreh se nuk do e kenë të lehtë përballë Shqipërisë.
“Luajmë kundër Shqipërisë, më pas me Spanjën dhe Kroacinë. Në letër ndeshja me Shqipërinë është më e favorshmja, por unë mendoj se është më delikatja.
Të gjitha ndeshjet janë të vështira në Evropian. Është një kombëtare (Shqipëria) që po rritet dhe më pas mos harroni tifozët.
Në Euro 16 të gjitha ndeshjet e tyre ishin me 80 për qind shqiptarë në stadium, edhe në Dortmund pres një gjë të tillë. Do jetë ndeshje delikate”, tha Buffon.
