UEFA ka gjobitur sërish Federatën Shqiptare të futbollit pas incidenteve të ndodhura gjatë ndeshjes me Kroacinë. Shuma e gjobës është 47,500 euro.
FSHF është gjobitur financiarisht për sjellje të palejuara të tifozëve si ndezja e flakadanëve, koret dhe parullat e tyre apo pushtimi i fushës. Ndërkohë, pritet të mësohet vendimi për Mirlind Dakun, i cili vazhdon të jetë në hetim për koret bashkë me tifozët pas ndeshjes.
Federata ka bërë apel gjithë tifozëve shqiptarë që të jenë më të përgjegjshëm dhe të shmangin krijimin e këtyre incidenteve dhe trazirave totalisht të evitueshme, që mund të sjellin penalitete financiare dhe dëmtojnë imazhin e Shqipërisë dhe futbollit shqiptar.
