Në takimin e ministrave të jashtëm të BE-së, kryediplomati italian Antonio Tajani u tha homologëve të tij në Luksemburg se Shqipëria dhe vendet e rajonit duhet të anëtarësohen në BE përpara Ukrainës.
“Përpara Ukrainës janë shtetet e Ballkanit Perëndimor që e meritojnë anëtarësimin më shpejt në BE. Ne duhet të shkojmë më tej dhe shpresoj në anëtarësimin e plotë për vendet e Ballkanit Perëndimor përpara vitit 2030 dhe më pas duhet që të punojmë me Ukrainën dhe Moldavinë.”
I pyetur nga gazetarët nëse kjo do të thotë se ai mendon se Ballkani Perëndimor duhet të ketë një avantazh ndaj Ukrainës, Tajani u përgjigj: “Sigurisht, ata janë kandidatë më afatgjatë. Mendoj se jemi afër përfundimit të procesit të anëtarësimit te tyre, sepse këto shtete e kanë nisur më herët procesin e integrimit evropian”.
