Kryeministri i Kosovës, Albin Kurti gjatë një konference Ndërkombëtare të Rinisë dhe Vetëvendosjes ka folur për procesin e dialogut ku theksi ka qenë takimi i nesërm me presidentin e Serbisë, Aleksandar Vuçiç.
Ai u shpreh se takimi i nesërm me Vuçiç do të jetë në funksion të dialogut.
“Të shohim se në çfarë gjendje ndodhemi dhe cilat janë idetë se si mund të ecët para. Për bindjen time, Marrëveshja Bazike me Aneksin e Ohrit e bën normalizimin e raporteve mes Kosovës dhe Serbisë me njohje së paku de-facto në qendër”, u shpreh Kurti.
Më tej, kreu i qeverisë përmendi që dje janë bërë 9 muaj prej se është vrarë rreshteri Afrim Bunjaku, teksa shtoi se pikërisht dje janë bërë 9 muaj që kryekrimineli i paramilitarëve terroristë, Milan Radoiçiç ndodhet në liri.
Ndërkaq lidhur me tensionet, Kurti tha se ato “e kanë adresën, sepse përgjegjësinë e fajësinë në Beogradin zyrtar”.
