Futbollisti i Kombëtares Nedim Bajrami ishte një nga protagonisët në Europian ku dhe hyri në librin e rekordeve pasi shënoi golin më të shpejtë për vetëm 23 sekonda.
Bajrami ka bërë një postim në rrjetet sociale, pas përfundimit të rrugëtimit të kuqezinjve në Europian.
“Një nder i madh për mua të isha pjesë e këtij rrugëtimi ku përfaqësova Shqipërinë time. Dua të falenderoj nga zemra të gjithë shqiptarët për mbështetjen e palodhur. Brohoritjet tuaja në shkallët e stadiumit dhe jashtë saj na kanë bërë të japim maksimumin tonë. Nder dhe privilegj të jem pjesë e kësaj kombëtareje Faleminderit shumë nga zemra për gjithçka. Me shumë mirënjohje, Nedim Bajrami”, ka shkruar Bajrami.
