Pas skandalit tek Onkologjiku, ministrja e Shëndetësisë, Albana Koçiu njoftoi masën e parë që ka marrë. Mjekët që punojnë në klinika private nuk do të mbajnë asnjë funksion në spitalet publike, por mund të vazhdojnë që të punojnë tek të dyja.
“Mjekët që kanë hapur dhe ose punojnë në klinika private nuk do të mund të mbajnë asnjë funksion drejtues të asnjë niveli në spitalet publike apo universitetin e Mjekësisë.
Një drejtues në këto struktura duhet t’i dedikohet plotësisht administrimit dhe aktivitetit në strukturën ku ka përgjegjësinë e drejtimit.
Historia e trasnferimit të pacientëve në klinikat private nga drejtuesit e shërbimit publik do të mbarojë menjëherë sapo të miratohet ky ligj.”, tha ministrja Koçiu.
