Drejtoresha e SHISH, Vlora Hyseni po dëshmon me dyer të mbyllura në Komisionin Hetimor për sistemin TIMS. Kryetari Salianji kërkoi që seanca të ishte me dyer të hapura, por socialistët ishin në linjë me Hysenin që të ishte me dyer të mbyllura.
“Nuk i jam shmangur dëshmisë deri tani. Nuk mora pjesë për shkak të angazhimeve të paracaktuara. Kërkoj që seanca të zhvillohet me dyer të mbyllura, duke pasur parasysh se flitet për problematika që lidhen me sigurinë kombëtare. Të mbrohen të dhënat e klasifikuara”, u shpreh ajo.
“Nuk shoh asnjë element që përbën sekret shtetëror. Duke pasur parasysh që kemi të bëjmë me aspekte procedurale dhe aspekte të zbuluara në publik, propozoj që mbledhja të zhvillohet me dyer të hapura” tha Salianji.
