Pas disa kohësh shkëputje, Ivanka Trump ka folur arsyen pse e ka mbajtur të zënë.
Ajo u shpreh se i është dedikuar biznesit që po planifikon në Shqipëri.
“Tani për tani, unë jam duke punuar me burrin tim,” tha Trump në një intervistë në podcast të Lex Friedman. “Ne kemi këtë ishull prej 1400 hektarësh në Mesdhe dhe po sjellim arkitektët më të mirë dhe markat më të mira nga e gjithë bota.”
Gjithashtu resorti i saj dhe i burrit Jared Kushner do të drejtohet nga marka luksoze e Aman e Vlad Doronin.
“Aman do të operojë hotelin për ne, dhe ato do të jenë vila, dhe ne kemi Carbone, i cili do të bëjë ushqimin dhe pijet,” shtoi Ivanka. “Por është e mahnitshme të bashkosh të gjithë këtë talent. Dhe po ashtu që unë të jem në gjendje të bëj sërish biznes në fushën e pasurive të paluajtshme dhe të argëtohem me të.”
Gjithashtu Ivanka ndau dhe disa detaje të reja në lidhje me pamjet e resortit.
“Natyrisht që ju doni xham. Ju dëshironi të shikoni dhe të shihni atë det të mrekullueshëm blu, por si ta bëni këtë në një mënyrë që nuk duket e përgjithshme dhe nuk është një mundësi e humbur për të krijuar diçka të re,” shtoi ajo.
