Vangjel Tavo është votuar nga kryesia e Partisë Socialiste si kandidat për zgjedhjet në bashkinë e Himarës.
Sekretari i Përgjithshëm Blendi Klosi në një prononcim për mediat u shpreh se Tavo do të vijë si një figurë e njohur politike, njohës i zonës dhe i krahinës.
“Figura e Tavos, vjen si figurë e njohur politike, njohës i asaj zonë dhe po ashtu vjen nga disa beteja elektorale që e kanë përgatitur për të qenë përfaqësuese e atij komuniteti”, u shpreh Klosi.
Ai tha se do të jetë një garë e qetë elektorale dhe me një rezultat pozitiv për bashkinë e Himarës.
“4 gushti është shumë afër. Do të kemi një garë të qetë elektorale dhe ne shkojmë për të pasur një rezultat jashtëzakonisht pozitiv në bashkinë e Himarës” tha Klosi.
