Grigels Muçollari anëtari i kryesisë së Partisë Demokratike me anë të një postimi ka reaguar në lidhje me vendimin e Gjykatë së Lartë e cila rrëzoi kërkesën e Berishës.
Muçollari thotë se vendimi i sotëm i Gjykatës është një dëshmi e cila tregon se nuk ekziston shpresa për drejtësi në asnjë instancë.
“Gjykata e Lartë duhej të ndalonte sot absurdin juridik të mbajtjes në arrest të liderit të Opozitës, Sali Berisha, pa asnjë provë, pa asnjë dëshmi, pa asnjë akuzë”, shprehet Muçollari.
Ai thotë që ky vendim është një ftesë për qytetarët e demokratët që të rezistojnë edhe më shumë dhe të mos e lënë vendin që të bjerë në greminë.
