Anëtari i kryesisë së Partisë Demokratike, Belind Këlliçi me anë të një deklarate për mediat, ka drejtuar 7 pyetje për drejtuesin e SPAK, Altin Dumani.
Pas raportimit të bërë në parlament, Këlliçi ka pyetur Dumanin nëse e kanë regjistruar Erion Veliajn në regjistrin e veprave penale, apo jo.
Ndërkaq, ai ka bërë thirrje për protestë tek Bashkia e Tiranës, për ditën e enjte 18 korrik, ora 11:00.
DEKLARATA E ANËTARIT TË KRYESISË SË PD, BELIND KËLLIÇI:
1- A janë vlerësuar nga ju konstatimet dhe vlerësimet e Gjykatës së Posaçme të Apelit? (vlerësime të cilat ditët në vijim do ti bëjmë publike për të gjithë qytetarët)
2- A është identifikuar Titullari i Autoritetit Kontraktor?
3- Sa procedura tenderuese të përfituara nga subjekti 5D Konstruksion janë vlerësuar në shkelje të ligjit?
4- A janë pjesë e hetimit lejet e ndërtimit të përfituara nga ky subjekt me firmën e Kryebashkiakut Erion Veliaj?
5- A është regjistruar nga ju Kryetari i Bashkisë Tiranë Erion Veliaj në regjistrin e njoftimeve të veprave penale?
6- A janë evidentuar nga ju cilat janë 4 kompanitë e ndërtimit në pronësi të këtyre shtetasve (e dhënë e dalë nga akt-ekspertimi i telefonit të punonjëses Jona Bejko)?
7- A janë kryer veprimet hetimore të kërkuara në kallëzim për dokumentacionin pronësor të tokave mbi të cilat janë miratuar lejet e ndërtimit për subjektin 5D Konstruksion?
Inceneratori i Tiranës/ SPAK: 8 në kërkim, asnjë i arrestuar, u pastruan 20 mln Euro
