Në Shkodër, ndërtimi i një kulle 30-40 katëshe në qendër të qytetit ka nxitur një protestë të shoqërisë civile dhe opozitës. Këshilltarja e Partisë Demokratike, Eliona Kodra Shkreli, ka shpallur një protestë për të hënën më 22 korrik, në orën 19:00, në Sheshin “Nënë Tereza”.
Në njoftimin e saj, Shkreli ka ftuar të gjithë qytetarët e Shkodrës dhe të tjerë të bashkohen në protestë kundër betonizimit të qytetit dhe ndërtimit të kullës 30-katëshe.
Protestuesit kërkojnë ruajtjen e trashëgimisë kulturore dhe kundërshtojnë shkatërrimin e hapësirave të gjelbra në qytet.
