Një 23-vjeçar shqiptar është arrestuar dhe akuzuar për vrasjen e një adoleshenti në veri të Londrës.
K.P., 23 vjeç, akuzohet për vrasjen e Ahmed Habib, 19 vjeç, i cili u gjet i vrarë me thikë pranë Finsbury Park më 17 korrik.
Policia mbërriti në kryqëzimin e Stroud Green Road dhe Tollington Park në orën 02:50 të mëngjesit, ku viktima kishte pësuar plagë nga thika. Pavarësisht përpjekjeve nga Shërbimi i Ambulancës në Londër dhe mjekët e Ambulancës Ajrore për të shpëtuar Ahmedin, ai u shpall i vdekur në vendngjarje.
Për shkakun e kësaj ngjarjeje të rëndë ende nuk ka informacione të plota. 23-vjeçari shqiptar është mbajtur në paraburgim dhe do të paraqitet në Gjykatën e Old Bailey më 22 korrik.
