Kandidati i opozitës për bashkinë Himarë, Petro Gjikuria teksa po përcillte Fredi Belerin për në burgun e Fierit ironizoi kryeministrin Rama dhe u shpreh i bindur për një mbështetje të madhe të himarjotëve në zgjedhjet e pjesshme të 4 gushtit.
“Erdha nga Amerika, iu përgjigja thirrjes së kryeministrit që thotë të kthehen emigrantët të ndihmojnë vendin e tyre, që të ndihmoj Himarën, përpjekjet e Fredi Belerit për demokraci dhe për shtet të lirë duhet të jenë frymëzim për të gjithë ne, mbështetja e Fredi Belerit, më nderon, është nder shumë i madh për mua.
Himara ka një eurodeputet, Fredi Belerin dhe me 4 gusht do të ketë edhe kryetarin e saj të Bashkisë. Kemi filluar fushatën, do i bredh të gjitha fshatrat, jam i sigurt që jam një bir himarjot, i lindur në Himarë dhe e shikojë që më përkrahin”, tha ai.
‘Jam shumë i gëzuar’! Petro Gjikuria ‘çon’ Fredi Belerin në burg