Një konflikt i shkaktuar nga fjalët “Pse më sheh gruan” ka rezultuar në plagosjen e një personi në plazhin e Tales në Lezhë. Policia ka konfirmuar se ngjarja ndodhi rreth orës 13:30, kur dy shtetas janë konfliktuar për motive të dyshuara xhelozie.
Personi i plagosur, A.M., banues në Zejman, është dërguar në spital dhe gjendja e tij raportohet të jetë stabile jashtë rrezikut për jetën.
Pas ngjarjes, autori i plagosjes është larguar me një automjet në drejtim të autostradës. Policisë i është identifikuar autoriteti dhe po vazhdon puna për kapjen e tij.
Shërbimet e Policisë kanë sekuestruar celularin e autorit të dyshuar dhe prova të tjera që do të shërbejnë për hetimin e rastit.
Hetuesit nën drejtimin e Prokurorit po vijojnë veprimet hetimore për të sqaruar plotësisht rrethanat dhe për dokumentimin ligjor të ngjarjes.
