Pas incidentit në mbledhjen e Këshillit Bashkiak Tedi Blushi u shoqërua në polici.
Blushi ka reaguar pas qëndrimit të tij më shumë se 5 orë në komisariatin e policisë.
“Prej 5 orësh jam në komisariatin e narkoshtetit e narkopolicisë, për të dhënë sqarime mbi atë ngjarje të shëmtuar, atë provokim që mu bë sot në mbledhjen e Këshillit Bashkiak, ku rrugaçëria dhe dhuna e narkoshtetit mori përgjigjen e merituar, siç e mori në dyert e këtij komisariati”, thotë Blushi.
Ai thekson se me këtë regjim ka zero tolerancë dhe vetëm qëndrim.
“Me këtë regjim ka zero tolerancë, me këtë regjim ka vetëm qëndresë. Përgjigja do të jetë shembullore në çdo strofull komsariati, policie, qeverie, bashkie. Kush provokon opozitën do të marrë përgjigjen që meriton në mënyre dëmokratike edhe shqiptare”, shprehet Blushi.
