Albin Kurti, kryeministri i Kosovës, ka shprehur kritika të forta ndaj vendimit të Këshillit të Bashkimit Evropian për heqjen e vizave për qytetarët e Kosovës me pasaporta serbe nga Drejtoria Koordinuese e Serbisë. Ai e ka quajtur vendimin “të padrejtë dhe të dëmshëm” për integrimin e komunitetit serb në Kosovë.
Kurti shprehu qëndrimin gjatë një aktiviteti në Qendrën Klinike Universitare të Kosovës, duke shtuar se Kosova ka një kapacitet të kufizuar për të ndikuar në vendimet e Brukselit. Ai gjithashtu theksoi se kjo situatë është dekurajuese për serbët e Kosovës, të cilët aktualisht janë të vetmit në rajon që duhet të aplikojnë për viza për lëvizje në zonën Schengen.
Në të njëjtën kohë, autoritetet në Kosovë inkurajojnë qytetarët serbë që të marrin pasaporta të Kosovës, duke ofruar liberalizimin e vizave për ata që posedojnë pasaporta biometrike të Kosovës që nga fillimi i vitit të kaluar.
