Në San Teodoro, Gallura, dy shtetas shqiptarë janë arrestuar pas tentativës për grabitje në një vilë në zonën e Puntaldia, shkruajnë mediat italiane.
Ata u kapën nga rojet e sigurisë pasi u zbuluan duke u ngjitur mbi murin e një shtëpie në kompleksin rezidencial.
Autoritetet e vendit dhe karabinierët ndërhynë, duke qëlluar me armë zjarri në ajër për të ndaluar përparimin e tyre.
Dy të dyshuarit, 22-vjeçar dhe 46-vjeçar, janë në arrest dhe po presin procedurat ligjore.
