Kordinatori rajonal për Tiranën i Partisë Demokratike Klevis Balliu me anë të një dalje për mediat ka kërkuar hetim për gjendjen e Forcave të Armatosura.
Balliu u shpreh se qeveria po e fsheh këtë situatë pasi kjo përbën cënim të sigurisë kombëtare.
“Zjarret nuk kërcënojnë vetëm territorin dhe jetën, por nxjerrin në pah se sa të papërgatitura janë Forcat e Armatosura. E gjitha si rrjedhojë e abuzimeve dhe korrupsionit, emërimeve nepotike që kanë degraduar standardin e Forcave të Armatosura”, tha Balliu.
Sipas tij institucionet e drejtësisë duhet të hetojnë menjëherë se çfarë po ndodh me fondet e Forcave të Armatosura.
Balliu u bën thirrje që nesër në orën 11:00 të jenë të gjithë para bashkisë në mënyrë që Rilindja të mos i vërë zjarrin Shqipërisë.
