Ish-ushtari i Ushtrisë Çlirimtare të Kosovës (UÇK), Blerim Ramadani, është liruar nga paraburgimi sot. Ramadani ishte ndaluar në hyrje të Maqedonisë së Veriut, në përputhje me kërkesën e Interpolit të Serbisë.
Vendimi i fundit përcakton se Ramadani është liruar me kusht dhe do të ketë leje-qëndrim të përkohshëm në Shkup nga 1 gusht deri më 16 gusht 2024. Gjatë kësaj periudhe, ai do të qëndrojë në Shkup, ndërsa procedurat ligjore për të do të vazhdojnë në përputhje me rregullat dhe ligjet përkatëse.
