Kreu i KQZ-së, Ilirjan Celibashi, ka theksuar se janë rreth 6 mijë votues me karta identiteti të skaduara, një situatë që ka ndodhur edhe në zgjedhjet e mëparshme. Ai shpjegoi se KQZ nuk ka përgjegjësi për këtë problem dhe që një akt normativ nga Këshilli i Ministrave për të zgjatur vlefshmërinë e dokumenteve do të kishte qenë i nevojshëm më herët.
Celibashi gjithashtu raportoi se në një qendër votimi janë identifikuar persona të paautorizuar që po mbanin shënim votuesit, ndërhyrja është bërë për të zgjidhur situatën. Në Lukovë, përfaqësues të mediave janë penguar të filmojnë, dhe kjo çështje ka qenë gjithashtu e diskutueshme. Ai theksoi nevojën për përdorimin e gjuhës shqipe në komunikimin zyrtar dhe kërkoi më shumë angazhim nga të gjitha palët e përfshira në proces.
“Është e vërtetë që janë 6 mijë votues të cilët dokumenti ose u ka skaduar ose u skadon deri ditën e sotme. Do të duhet të them që e njëjta shifër votuesish ka qenë dhe në zgjedhjet e kaluara. Përse për këto zgjedhje nuk u mor vendim nga qeveria për të zgjatur vlefshmërinë e kartave të identitetit nuk mund ta them”, u shpreh Celibashi.
Merret vendimi, KQZ: Qytetarët që u ka skaduar karta e identitetit nuk do të votojnë
