Në Himarë ka nisur procesi i votimit për zgjedhjen e kryetarit të ri të bashkisë, ku 23 mijë qytetarë me të drejtë vote do të zgjedhin mes Petro Gjikurisë, të mbështetur nga opozita, dhe Vangjel Tavos, kandidatit të PS-së.
Policia e Shtetit njofton se ka dorëzuar qendrat e votimit, të cilat ishin marrë në ruajtje që prej mbrëmjes së djeshme. Sipas njoftimit, gjatë ruajtjes, nuk është konstatuar asnjë problem dhe të gjitha objektet janë dorëzuar në rregull.
Pas dorëzimit, punonjësit e Policisë janë grumbulluar në ambientet e përcaktuara dhe do të qëndrojnë të gatshëm për të ndërhyrë në rast se kërkohet ndihma e tyre nga komisionet e votimit.
