Në aksin e vjetër Tiranë-Elbasan, në fshatin Gracen, ka ndodhur një aksident fatal. Automjeti i drejtuar nga 72-vjeçari N. S. është përplasur me një automjet tjetër, të cilin e drejtonte 62-vjeçari G. S.
Si pasojë e përplasjes, N. S. ka ndërruar jetë në vendngjarje. Ndërkohë, G. S. dhe një pasagjer i tij, G. B., janë dërguar në spital për trajtim mjekësor. G. S. është shoqëruar në polici për hetime.
Policia dhe grupi hetimor janë në vendngjarje dhe po punojnë për të zbardhur shkaqet e aksidentit.
