Drejtori i Klinikës Infektive në Qendrën Klinike Universitare të Kosovës Arben Vishaj ka konfirmuar rastin e parë me virusin ‘Ethet e Nilit’.
“E kemi një rast që ka rezultuar pozitiv, por Instituti Kombëtar i Shëndetësisë Publike del me të dhëna të sakta”, ka thënë Vishaj.
Instituti Kombëtar i Shëndetësisë Publike ditën e djeshme ka dalë me disa këshilla dhe rekomandime për parandalim të Virusit të Nilit Perëndimor.
Që nga muaji korrik, disa vende të Bashkimit Evropian dhe të Ballkanit Perëndimor kanë raportuar raste të Virusit të Nilit Perëndimor: Spanja, Italia, Greqia, Austria, Hungaria, Franca, Serbia dhe, së fundi edhe Shqipëria.
