Ekipet e mbrojtjes civile në Brazil kanë punuar gjatë natës për të nxjerrë trupat e 62 pasagjerëve të vdekur nga një avion që u rrëzua të premten në Sao Paolo.
Avioni i kompanisë Voepass, në fluturim nga Cascavel për në Sao Paulo, u rrëzua në një zonë të banuar, duke shpërthyer dhe dëmtuar disa banesa. Nuk ka raportime për të lënduar nga zona e rrëzimit.
Hetimet për shkakun e aksidentit janë në zhvillim e sipër. Kompania ATR, prodhuese e avionit, ka thënë se specialistët janë të angazhuar në hetim. Një nga shkaqet e mundshme është akulli, pasi ka pasur paralajmërime për akull në lartësi deri në 6.400 metra, ndërsa avioni fluturonte në 5.200 metra.
Ekspertët gjithashtu po shqyrtojnë mundësinë e problemeve në motor, pajisje të fluturimit, ose defekte strukturore si rënia e një pjese të rëndësishme të avionit.
